أطباق رئيسية

طريقة عمل الفراخ المشوية في المنزل

خدوا المفيد فالفراخ المشويه

اللي تخليكم تعملوها احلي من اي مطعم
بتتبيله خطيره وسريعه مش محتاجه مده نقع كتير
افتحوا الصور الشرح تحتها

اولا التتبيله


بفرم فالكبه بصل وبعدين ابشر عليهم طماطم واضيف شويه زيت
واضيف عليهم ملح فلفل اسود رشه قرفه ورشه جنزبيل
وبابريكا وزعتر مع شويه زيت ومعاهم كاتشب
وهنا بضيف الكاتشب عشان اللون وكمان نسبه السكر اللي فيه بتفرق جدا
حبيتوا تضيفوا صلصله بداله مفيش مشكله ومعاها معلقه عسل او رشه سكر
دي تتبلتي اعمل اللتبيله اللي تناسب ذوقك واللي متوفر عندكم
يعني عاوزيت تضيفوا زبادي خل ليمون اي توابل انت واللي تحبوه

طريقة سهلة وسريعة لعمل الفراخ المشوية في الفرت بتتبيلة هتخلي طعمها رائع

بنقع الفراخ المغسوله والمتصفيه مالمياه بعد ما بشكها من عند المفاصل
عشان التتبيله تتغلغل جوها وبحشي تحت الجلد كمان
واسيبها منقوعه بحد ادني ساعتين

بعد كده بشويها وتكون النار مش عاليه عشان متتلسعش
مش بقلبها كتير مجرد مالجنب يشد ويستوي بقلبها ع الجنب التاني

اقسم بالله طريقه الفراخ دي هتشرفك عجبت حماتي اوووي …

بعد مابشويها بكون مسخن الفرن وسايبه علي نار هاديه
احط عيش فالصنيه وانقل الفراخ المشويه فيه
وارش عليها جزء مالتتبيله وادخلها الفرن تتكمر شويا
عشان لو فيها قطع مستويتش يبقي اتاكد السوا بتاعها
وكده هاتكلوا فراخ مشويه بطريقه سهله وطعم جميل

    طريقة عمل الفراخ المشوية زى الحاتي

    shahira Galal

    إذا كان الله معك فإنك لن تفقد شيئًا أبدا، أما إذا لم يكن الله معك فاعلم أنك قد فقدت كل شيء 🌷🌼🌹
    زر الذهاب إلى الأعلى