حبايبى الحلوين اخباركم ايه يا رب تكونوا بخير
جيبالكم بقى وصفة تجنن

طريقة عمل الدونات المحشية منال العالم
طريقة الدونات المحشية بالنوتيلا
دونات محشية انستقرام
طريقة عمل الدونات محشي شوكولاتة
ميني دونات محشية
ابرة حشو الدونات
طريقة عمل الدونات المحشية بالشوكولاته
طريقة حشو الدونات بالكاسترد

نركز بقى علشان الجديد كله هنا
هو داه الترند اللى بجد
ما شاء الله اللهم بارك شايفين الجمال
هى صحيح دونتس بس مش اى دونتس هى جريمه كامله متكامله
ميكس رهيب ما بين الدونتس الهشه جدا و الحشوه الكريمى الرهيبه و الكراميل المقرمش عالوش
بجد لو جربتوها مش هتبطلوا تعملوها و الكل هينبهر بيها
مقادير سهله جدا و بسيطه و نتيجه مضمونه بإذن الله
ان شاء الله تجربوها و تعجبكم و ماتنسونيش فى دعوه حلوه

الدونتس الهشه المحشيه مع الكراميل المقرمش / كريم بروليه دونتس

طريقه عمل الدونات واسرار نجاح عجينة الدونات الهشه جدا بالتفصيل

المقادير :
للدونتس :

٣ و ربع كوب دقيق جميع الاغراض
ربع كوب سكر عادى مش بودره بس يفضل يكون ناعم الحبيبات
بيضه بدرجة حرارة الغرفة
٢ و ربع م ص خميره فوريه
رشه ملح
٣ م ك زبده طريه بدرجة حرارة الغرفة
كوب لبن اللى هو الحليب دافئ اكتر او اقل حسب العجينة ما تلم معانا

كريمه الحشو :

٢ كوب لبن اللى هو الحليب
نصف كوب سكر عادى مش بودره بس يفضل يكون ناعم الحبيبات
٤ صفار بيضه
فانيليا يفضل السائله علشان تقضى على طعم و ريحه البيض
٣ م ك نشا هندوبهم فى نصف كوب لبن اللى هو الحليب
٢ م ك زبده

صوص الكراميل المقرمش :

كوب و نصف سكر عادى مش بودره بس يفضل يكون ناعم الحبيبات
نصف كوب ماء

الطريقة :

بالنسبه للعجينه هنجيب بوله و نحط فيها شويه من اللبن الدافئ و الخميره و السكر و نقلبهم كويس
و نغطيهم و نسيبهم ربع ساعه يتفاعلوا مع بعض و بعدين هنضيفلهم البيضه و نقلب كويس
و بعدين هنضيف الدقيق اللى حاطين عليه الملح بالتدريج بالتبادل مع اللبن الدافئ و فى اخر مرحله
من العجن هنضيف الزبده و بنعجنها كويس بس مش كتير اوى لأنها مش عيش لغايت ما تلم معانا
و تبقى ناعمه و ملساء و بنغطيها و بنسيبها تخمر لغايت ما يتضاعف حجمها و بعدين بناخدها
و بنفردها بسمك متوسط و بنقطعها دواير الحجم اللى نحبه و بنغطيهم و بنسيبهم يخمروا مره كمان قبل القلى
و بنقليها فى زيت متوسط مش غزير اوى و ميبقاش سخن بزياده علشان ماتاخدش لون بسرعه من باره
من غير ما تكون مستويه كويس من جواه و بنخلص الكميه كلها و بنسيبهم يبردوا و بنجهز

الحشوه

بتاعتنا هنجيب بوله و نحط فيها صفار البيض و الفانيليا و النشا و نصف كوب اللبن و نقلبهم مع بعض كويس اوى
بحيث نتأكد ان مفيش اى تكتلات و فى كسروله عالنار هنحط كوبايتين اللبن و السكر و نقلبهم كويس بحيث
نتأكد ان السكر داب و اول ما يسخنوا مش يغلوا بناخد شويه و نضيفهم على خليط البيض و نقلب
بسرعه علشان البيض مايستويش و بناخد خليط البيض و نضيفه عاللبن اللى عالنار و على نار متوسطه
مع التقليب المستمر لغايت ما نوصل لقوام زى المهلبيه و بنحطه فى بوله أو طبق و نغطيه على طول بكيس بلاستيك
أو بلاستيك راب و نسيبه يبرد تماما و بعدين بنحشي بيه الدونتس بتاعتنا

طريقه عمل الدونات واسرار نجاح عجينة الدونات