مساء الخير يا بنات بما اننا فى أيام الحظر الجميله
والفراغ عامل شغله معانا حبيت أشارك معاكم التشيز كيك اللذيذه
هتاكلى حته منها من هنا هتزيدى ٥ كيلو من هنا على طول مفيش هزار
الطريقه بقى فى الصور
#تعديل
انا هنا ماكانش عندى قالب التشيز كيك ف عملتها ف بايركس وكل ما كانت الصينية صغيره
تبقى الكيكة عاليه معاكى لفوق هنجيب اى نوع بسكوت شاى (دايجيستيف أو أولكر اى نوع تحبيه )
ونحط منهم حوالى ٣٠٠ جرام بسكوت يعنى ٣ أو ٤ باكيت من البسكوت ونحط معاهم معلقتين كبار زبده
ونضربهم فى الخلاط لحد ما يتفتفت كده ونفردو فى الصينيه وبعدين ندخلها تجمد شويه فى التلاجه
عشان البسكوت يمسك فى بعضه
لعمل الجبنه الكريمى بقى
هنحتاج كيسين كريم شانتيه دريم باودر (حوالى كوباية بالظبط)وعلبة قشطه أو علبتين زى ماتحبى
ونص كوباية لبن و ٤مكعبات جبنة كيرى او بريزيدون ونفتح عليهم العجان
او نعملهم بالمضرب الكهربا او الخلاط او الكبه اى حاجه ولو عايزاها تمسك
بسرعه ضيفى عليهم معلقة جيلاتين متدوبه فى معلقتين مايه دافيه لحد ما تبقى بالشكل اللى فى الصوره ده
وبعدين نحطها فوق البسكوت وممكن تقسمى الكريم شانتيه جزء
تحطيلو نقطتين لون طعام أحمر عشان يلونو بمبى كده
وفى الاخر تضيفى البودينج اللى بتحبيه اللى هى اخر طبقه
من فوق انا هنا حطيت بودينج فراوله جبت نص كيلو فراوله مع ٤ معالة كبار سكر
وحطيتهم على النار اول ما بدأت الفراوله تطرى عصرتهم خشن فى الخلاط
ورجعتهم يغلو مع بعض تانى لحد ما تقلت وقفلت عليها وسبتها تبرد وبعدين ضفتها على الكريمه وبس كده
طعمها جميل جدا زى ما بتتباع فى المطاعم وأرحم من اننا نشتريها من بره بفلوس كتيره
طريقة التشيز كيك
طريقة عمل تشيز كيك سهلة
تشيز كيك اللوتس بالصور
طريقة عمل التشيز كيك بالجلي
طريقة التشيز كيك سهل
ينفع الفراوله تكون متجمده في الفريزر
الفراولة مجمده وتطلعيها تحطى عليها سكر وتحطيهم على النار