طبعا من فتره كنت محتاجة مساعده كتير علشان اعمل اكل و كتير
كتبوا وصفات وبقيت اسجل بورقه وقلم علشان اعرف اكمل معلومه كامله..
النهارده بقي خلاص قد اصبحت شيف طبعا بهزر وللحقيقه انا معرفش اسم الاكل الي عملته ايه بصراحه
هي حلوه وجميله و تحت كل صوره الوصف واخر صوره الطريقه كامل في الطهي..
اتمني تعجبكم.
طريقة عمل صدور الدجاج بالبوتجاز
لمعرفة الوصفة
ده قبل التحضير
طبعا الزيت و البهارات كانت.. كزبره ناشفه و فلفل اسود و بابريكا و فلفل اسود و كمون و فلفل احمر و ملح.
صدور فراخ كامله.. فكت من الثلج و حطيتها في حله وعليها ليمون و ملح و خل
وسبتها شويه علشان تروح منها ريحه الزفاره وبرضو نظافه.. دول ثلاث قطع صدور.
ده الصدور بعد ما نظفتها كويس و مبقاش فيها ريحه زفاره.
قطعتها بالطول بالشكل الي في الصوره.
هنا قطعت حبه واحده فلفل رومي ولو في الوان بيكون حلو بس مكنش موجود عندي
بصل حلقات حبيتين و خمس فصوص ثوم و لمونه.
طريقة عمل صدور الدجاج بطريقة لذيذة
طبعا حطيت 3 معالق زيت في طاسه و خليتهم يسخنوا جدا و النار عاليه
و بعدها حطيت الفراخ المتقطعه صوابع في الزيت وقلبتها لحد ما بدات تاخد لون..
حطيت البصل و عليه معلقه كزبره وقلبتهم مع بعض لحد ما البصل شكله اتغير و بعدين حطيت الفلفل
و الثوم و عصرت اليمون عليهم وبدات اقلب شويه و بدات احط البهارات ربع معلقه كمون
ربع معلقه فلفل اسود ربع معلقه بابريكا و ربع معلقه فلفل احمر وملح وقلبتهم كويس
و بعدين حطيت معلقتين مياه معدنيه.
وقلبتهم مع بعض كويس لحد ما استوت..
بس كده وغرفت في الطبق تجربه حلوه واتبسط بيها اتمني تعجبكم
سلطه خضرا.. حبيتين طماطم و حبيتين خيار و حبايه بصل و نقطه زيت وكمون
و خل و نصف ليمونه قطعتهم وقلبتهم مع بعض.. ده كانت سهله قوي بس استمتعت بتقطيعهم مش فاهم ليه.
ده الشكل النهائي
طبعا ده سلطه
