طريقة تحضير العزيزية بالصور – منتدى كنتوسه

كلاكيت تانى مره طريقه العزيزية

المقادير

كيلو لبن بارد + كوب لبن هندوب فيه 3 معالق نشا كبار و
2 معلقه كبيرة كريم شانتيه بودر ( اختيارى ) + 150 جرام مكرونة اسباجتى مسلوقه
و تكون بارده يعنى 1/3 الكيس تقريبا + 1 كوب سكر + 1/2 كوب زبيب
+ 1/2 كوب جوز هند + قشطه بتاع وش اللبن .

الطريقة

1 – نضرب المكرونة الاسباجتى المسلوقه مع نص كميه اللبن فى الخلاط كويس .
2 – هنحط باقى كميه اللبن على النار يسخن .
3 – نضيف المكرونه اللى ضربناها فى الخلاط مع اللبن للبن اللى بيسخن على النار
و نقلبهم كويس مع بعض لمده دقيقتين و النار تكون وسط .
4 – نضيف السكر و نقلب لغايه مايدوب كويس .
5 – نضيف كوب اللبن المخلوط مع النشا والكريم شانتيه و نقلب لغايه الخليط مايتقل و يبتدى يربط .
6 – اخر حاجه هنضيف جوز الهند و الزبيب و نقلب و نطفى النار على طول.
7 – نصب الخليط فى صينيه مقاسها 30 مستطيله مدهونه سمنه لو عاوزاها تبقا مش تخينة و نصب الخليط فيها .
8 – هنحط على الوش قشطه بتاع وش اللبن زى الصورة عشان تعمل وش .
9 – هنسيب الصينيه لمده 15 دقيقه و مش هندخلها الفرن عشان تعمل وش .
10 – هندخل الصينيه على الشبكه فى النص و نولع الشوايه اللى فوق فقط
يعنى مش هنولع تحت خالص لان كل حاجه مستويه لغايه ماتاخد وش زى الصورة .

طريقة عمل العزيزية الدمياطي
طريقة العزيزية فاطمه ابو حاتي
طريقة عمل العزيزية بدون بيض
طريقة عمل العزيزية نجلاء الشرشابي
طريقة عمل العزيزية بالنشا
طريقة عمل العزيزية زي المحلات
طريقة عمل العزيزية بطريقة سالى فؤاد
طريقة عمل العزيزية الست غالية