شعر صلاح جاهين عن الدنيا

فى ناس بتشوفها مرة وتعيش جواك سنين
وناس فى كل مرة.. بتشوفها تقول دى مين
وناس تاخد حاجات وناس بتسيب حاجات
وناس ويا الساعات بتروح وتسيب حنين

ووناس عشرتها مُرة .. وياها تعيش حزين
وناس الدنيا مُرة ..من غيرها ولو يومين
وناس عشان ساعات. ممكن تبيع سنين
فى عيون تشبه عنينا . صافيين و قريبين

وعيون تشبه مدينة . مفيهاش ناس طيبين
وعيون حزن وسكوت .

ووعيون حضن وبيوت
وعيون تقدر تفوت … جواك فى ثانيتين

في ناس بنشوفها بالألوان.. وناس جواها مش بيبان
وناس اسود وناس ..أبيض وناس محتاجه بس أمان
وأكتر ناس تآمنهم ما بيجي الجرح غير منهم
وناس انت بعيد عنهم بتنسي معاهم الأحزان”
وعجبي !!!
صلاح جاهين