سحور سهل وبسيط في خمس دقايق فقط
مساء الفل. بشكركم جدا علي تعليقاتكم الجميله جدا..
وبحاول ارد والله علي كل التعليقات بس اكيد مش بشوف كله…من كترها بحبكم كلكم…
سحور كده قدمته بشكل مميز..من اول رمضان عندي في البيت
هم اللي بيحضروا السحور قولت اغيرلهم انا مره…
عملت عجه بيض…وفول طبعا اساسي…وبابا غنوج…وجبنه طماطم….
ووافل حطيت جنبه الصوصات بتاعته…كريمه البسكوت ونوتلا وعسل
ورولات الكريب عيش جاهز كريب لقيته في السوبر ماركت…ملفوف ومحطوط فيه شيكولاته
ومربات وقشطه….
العجه…
جبت ٦بيضات..وحطيت عليهم ملح وفلفل…
وقطعت عليهم بقدونس وكزبره..
وحطيت شويه صغيرين بسطرمه..وجبنه مبشورة موتورولا شويه صغيرين
ومعلقه صغيره بيكنج باودر..ومعلقه دقيق كبيره..وخلطتهم كويس بالمضرب اليدوي…
وحطيتهم في صينيه في الفرن….
اما بابا غنوج..شويت البتنجان علي البوتاجاز
وحطيت عليه طحينه ولمون..وكمون ومعلقه زبادي..وشويه خل وزيت زيتون…
ورشه بسيطه توم باودر..وملح…الفول اكيد كلكم اساتذه فيه
اما الوافل طريقته في اخر الصور…
انا في السعوديه…ومعظم ادواتي من محلات في جده..اسمها الهدايا سنتر وبرافو
عملت عجه بيض…وفول طبعا اساسي…وبابا غنوج…وجبنه طماطم….
ووافل حطيت جنبه الصوصات بتاعته…كريمه البسكوت ونوتلا وعسل
ورولات الكريب عيش جاهز كريب لقيته في السوبر ماركت…ملفوف ومحطوط فيه شيكولاته
ومربات وقشطه….
