دي طريقتين لصوص الشيكولاته…واستخداماته في بعض الحاجات
مساء الفل…
دي طريقتين لصوص الشيكولاته…واستخداماته في بعض الحاجات….
دايما بحب يكون عندي موجود علي طول الصوص..بحيث أي حاجه حلوة استعملها فيه علي طول…من أهم حاجه بحب استخدمها..فوندوا الشيكولاته دي طبق او وعاء كده تحته شمعه عشان الشيكولاته تفضل سايحه..دي بقي طريقه حلوة اووي لتغميس الفاكهه والبسكوت ومارشميلو أي ولاد هيحبوها اووي..لو مش بياكلوا الفاكهه هيحبوا الطريقه ده..وفيه كمان نافورة الشيكولاته..كل دول معروفين في كافيهات الكريب..وبتبقي فكرة حلوة اووي في المناسبات وأعياد الميلاد…
فيه كمان كيك..وكريب كله استخدمت فيه الشيكولاته…
الطريقه الاولي…
تشيكولت تشيبس…او اي شيكولاته ساده انتم متعودين عليها في الطبخ..بس هبشرها لو هو قالب وكوب كريمه خفق…هسخن الكريمه علي النار واشيلها…وانزل فيها تقريبا نص كوب تشيكولت تشيبس..وافضل اقلب اقلب لو خفيفه اووي ازود تاني…انا حطيت تقريبا كوب الا ربع تشيكولت تشيبس..هي لما تبرد بتتقل جدا اهم حاجه التقليب الكتير عشان كل الشيكولاته تسيح..دي طريقتي المفضله سريعه وسهله..والصوص حلو اووي..وناعم كده..بسخنه في الميكرويف لما احطه علي اي حاجه…
الطريقه التانيه…
نص كوب سكر..في محضرة الطعام..عليهم نص كوب زيت…وتلت معالق كاكاو باودر كبيره..اللبن بقي كنت عامله نص كوب..لقيته تقل جدا..قعدت ازود لغايه كوبايه..تقريبا…ونص معلقه فانليا..عشان ريحة طعم الزيت…
تقله ولونه بيعتمد علي نوع الكاكاو..ونوعيه الزيت..وانا مصورة شكل الكاكاو مش عارفه في مصر موجود ولا لا..طلع صوص توحفه..وشكله باين تقيل وحلو في الصور ازاي…
طريقة تحضير مولتن كيك :
– في وعاء نضع كمية البيض ونخفقه بالخلاط الكهربائي لمدة دقيقتين- نضيف السكر للبيض على مراحل مع الاستمرار بالخلط الى ان يصبح المزيج فاتح اللون- بعد تذويب الشوكولا بحمام ماء ساخن نضيف اليها كمية الزبدة ونحركهم جيدا- نضيف الشوكولا والذبدة الى البيض ونستمر بالخلط الى ان يمتزجو سويا- نضيف الطحين المنخول والملح والفانيليا الى الخليط ونحركهم جيدا- نحضر قوالب الكب كيك فندهنها بالزيت ونرشها بالطحين ونضع كمية من العجينة ولكن يجب الانتباه الى كمية العجين فيجب الا تتجاوز ثلاث ارباع القالب- نضع القوالب في صينية قصيرة الحافة وندخلها للفرن ويجب ان نسخن الفرن قبل ان نضع قوالب الكيك نتركهم لمدة عشر دقائق- بعد عشر دقائق نخرج مولتن كيك من الفرن ونقلبه بطبق ونقدم ساخنا
دي كيكه عاديه جدا..بس عملت خطوط بالصوص
ده صوص الشيكولاته طريقته في البوست وحطيته في النافوره نافورة الشيكولاته
شيكولاته بيضا وكريمه بسكوت اللوتس
