السلام عليكم ورحمة الله وبركاته.
نغير شوية للحلويات الباردة والسريعة واللي مش بتحتاج فرن وشربات تقيل .

وصفة سهلة وسريعة ولذيذة جدا

ومش بتاخد وقت اسمها بسكوت بالشكولاتة انا سميتها كدة انا اخدتها من زمان علي جوجل
بس معرفش اسمها كان ايه بس الله يباركلها اللي اخدتها منها

المقادير حلى بسكوت شاي بالشوكولاته

علبة بسكويت شاي سادة اونص علبة لوصينية صغيرة بتاخد ٦ نص العلبة يعني
٤كوب حليب
كوب الاربع سكر اوحسب الرغبة
٤معالق كاكاو ويفضل بودر
٢معلقة نشا
٢معلقة دقيق
صفار بيضة
فانيليا
جوزهند
معلقة سمنة
حلى البسكويت بالشوكولاته

طريقة عمل بسكويت الشوكولاتة

في حلة هنحط الحليب والكاكاو والسكر وصفار البيضة ونحطها عالنار ونقلب لحد ماالكاكاو يدوب
ونهدي النار اول مايسخنوا هندوب الدقيق والنشا ونضيفه للخليط وياريت ندوب الدقيق لوحده
والنشا لوحده عشان الدقيق ميكلكعش
ونقلب لحد ماالقوام يتقل ويبقي شبه المهلبية واول مايتقل هنضيف الفانيلبا
وبعدين معلقة السمنة وبعدين معلقتين جوز الهند ونطفي نسيبه يهدا هنجيب صينية مستطيلة
ونرص فيها البسكوت وبعدين بالمغرفة طبقة شكولاتة وهكذا
يبقي اربع طبقات بسكوت واربع طبقات شكولاتة وعالوش جوز هند
ونسيبه يبرد بحرارة الغرفة وندخلة التلاجة اربع ساعات عالاقل يتماسك وبعدين نقطعه زي الكيك
جربوه ان شاء الله هيعحبكم اوي وهيعجب اولادكم مش هيبطلوا يطلبوه
لان كل الاطفال بتحب الشكولاتة والكاكاو والحليب مغذيين

ملحوظة :

لومش حابين تضيفوا الدقيق مش لازم بس انا جربت بالدقيق والنشا مرة وبالنشا فقط مرة بصراحة الدقيق
بيدي طعم غني وتحفة للشكولاتة همامعلقتين بس
صفارة البيضة اللي مش حاببها ميحطهاش بس بتدي طعم وريحة زي الكاستر
ومتقلقيش من الزفارة لانك هتحطي فانيليا ومعلقة السمنة برده بتدي طعم جميل دي المقادير بالظبط
للوصفة واللي حابب يغير براحته

حلويات باردة بالبسكويت والكاكاو