تقسيم الفراخ لوجبات طول الشهر تعالو شوفو ازاي وفرت كتير

تاخدوا المفيد من اختكم الشيف

فبيتي لما بشتري فراخ دايما بجيبها بالشهر او كل اسبوعين مثلا
فريش وسليمه مش بجيب وراك او صدور لوحدها
وده أوفر فالمعهد والوقت والفلوس وكمان في بركه سبحان الله بشتريها كامله
و باخدها افنن فيها اولا بقطعها وبستغل كل قطعه فيها
لان كحال كل البيوت الغلاء بينها فينا فهقولكم اسلوبي فالتوفير وان شاء الله تستفيدوا

اولا فالفراخ

الصدور بطلع منها وصفات كتير زي الكوردن بلو او بيكاتا
او فاهيتا او استربس او بانيه او زنجر ووصفات كتير

الوراك

بستخدمها فالسلق او حمام كداب او شيش طاووق
او مخليه ومشويه بتتبيلات كتير وبردو ف وصفات تانيه اكتر

الاجنحه

بعملها تشيكن وينجز بصوص الباربكيو او لولي بوب بانيه

الكبده والقوانص والقلوب

بعملهم فيوم جنب مكرونه او مع رز خلطه

ام الهيكل واللحم مكان الخلي

فده بسلقه واطلع منه شوربه واعبيها فاكيس للملوخيه مثلا او مع شوربه شعريه
او مع البشاميل وبيخليني استنغي عن الماجي تماما
كده فاضل العظم والهياكل مكان السلق بعبيهم فكيس
واحطهم وانا نازل الشغل للكلاب او طبعا ممكن متنظفهمش من بواقي اللحم
وتنزلهم للكلاب بس يكونوا مسلوقين أفضل
الريش بسيبه عن الراجل بتاع الفراخ مبرداش اخده مع ان ممكن اعمل منه هوايه للفحم بس حرام ٠

سمعتي تتضرب وسط الطيور
في بقي صور للوصفات كتير مختلفه عن الأكل التقليدي
هاتلقوها تحت خدوا افكار منها وجددو فاكلكم