بعض المنتجات والشاى اللي جربتها وعجبتنى جدا

مساكم فل…
موضوع مختلف شويه…
اولا دي بعض المنتجات اللي جربتها وانا في مصر وعحبتني…حتي جبت معايا منها للسعوديه…
تاني حاجه عايزه منكم اقتراحات لاسم صفحه ليا علي الفيس…هحط فيها كل حاجاتي…
نيجي بقي..للمنتجات

اول حاجه شاي احمد بالنكهات

..حبيت الكم نكهه دول وجربت قبل كده الخوخ والفراوله
كلهم حلوين ودول عجبوني…واللي بالقرفه مميز فعلا..

تاني مشروب نيسكافيه بنكهه الاسبريسو

حلو ومميز مش فاكرة اسعار بس اعتقد غالي شويه…بجيبه من سعودي ماركت…
كنت دايما بحط منه علي اي ظرف جاهز كابتشينو بيعزز النكهه كده …فيه منه اظرف وفيه برطمان…

بعد كده لما بنزل مصر دايما بزور شاهين اللي في عباس العقاد…
جوزي يجيبله تشكيله كده من انواع بن..وانا الف علي باقي المنتجات
جربت اوليه اللي عندهم بكل النكهات بالبندق بالشيكولاته وبالفانيليا ماعحبنيش…

عحبني ده اووي بالحبهان المستكه…يعني هي قهوة باللبن ونكهه الحبهان حلوة اووي
فيها بعملها زي التركي وحاطلكم صور ليها في الفناجين..
تقريبا العلبه ب٤٥ جنيه

بعد كده الجرانولا…انا ماكانش ليا فيهم خالص
بس دوقت اللي في الكيس الاخضر كده ناشف حبيته اووي بكله كده من الكيس مقرمش
وتوحفه تحسي كده انك بتاكلي سناك ومكسرات مسكره حلوة…

التاني بالفواكه…حلو برضه …جدا..فيه منهم علب وفيه اكياس…
موجودين في كارفور وسعودي ماركت ورويال هاوس…الكيس ده اعتقد ب٢٥…
الاكياس الصغنونه اللي فيها صوصات دي من عند شاهين برضه…نكهه كده

تحطيها في كوبايه الكابتشينو لذيذه اووي احلي اتنين بالكراميل والكريم الايرلندي…
اما سما تشيكولت تشيبس بيضا شيكولاته بيضا…توحفه جدا بسيحها وبعمل
بيها خطوط علي الحلويات جميله جدا…جربت كذا نوع دي احلاهم…وفيه صورة مزوقه بيها…

في الآخر كريب بالموز…والسابليه بنفس الشيكولاته دريم وسما…
ودريم الشيكولاته الدارك جميله جدا بعمل بيها صوص يجنن ومش مرة خالص…بالعكس طعمها توحفه….

وطبعا كلها اذواق شخصيه ممكن اللي يعجبني مش يعجب غيري..مافيش مانع نجرب كل حاجه….
ماتنسوش اقترحوا اسم صفحه جميل زيكم

ده كريب ودهنته نوتلا وحطيت موزه ولفيته وغرقته صوص تشيكولت