عجائن ومخبوزات

بسكوت العيد هش وخفيف ومقرمش علي طريقة اشهر محلات الحلويات

طريقة عمل بسكويت العيد المصري

يلا كلوا يجمع هنا وصفه بسكوت العيد من غير نشادر ولو بنشادر هقولك تعملي ايه

ولو بالمكنه هقولك بردوا تعمل ايه باذن الله هتنجح معاكي جدا جدا
وانا هديكي مقادير بسيطه جربي فيها الاول وبعدين ضاعفي الكميه
يلا بينا نشوف المقادير والطريقة علطول

350جرام دقيق
125جرام سكر
250سمنه علي زبده ساقعه من التلاجه
نص معلقه معلقه ص ممسوحه بيكنج بودر
رشه ملح
3معالق كبار لبن
معلقتين كبار لبن بودر
بيضتين بدرجه حراره المطبخ
4اكياس فانيليا

طريقة عمل البسكويت زى الجاهز

في بوله
هنضرب السمنه الساقعه مع الزبده تضربها شويه لغايه ماتبقي كريمي ننزل بالسكر البودره المنخول
ونفضل نضرب فيهم لغايه مايبقي قوامهم كريمي زي الفيديو بالظبط
بعدين ننزل بالبيض بيضه بيضه ولازم البيض يكون بدرجه حراره المطبخ ونضرب لغايه البيضه الأولي
ماتختفي بعدين ننزل بالتانيه ومعاها الفانيليا ونضرب لغايه ماتختفي تماما
بعدين ندوب اللبن البودره في اللبن السائل وننزل علي الخليط ونضرب بعدين نحوش المضرب خالص
وننخل البيكنج بودر والدقيق مع بعض وننخلهم كويس وننزل بيهم علي الخليط حبه حبه ونقلب بمعلقه لغايه
مانخلص كميه الدقيق كلها
ندخل العجينه التلاجه ونسيبها ترتاح لمده ربع ساعه
بعدين ندهن الصواني بسيط جدا كأنها مش مدهونه
ونحط الخليط في الكيس ونبتدي نشكل ويدخل فرن سخن علي 180ونسيبه لغايه
ماياخد لون دهبي حلو ونخرجه نسيبه يبرد تماما وبعدين نبتدئ نحفظه في علبه فيها كيس
ونغطيه بكيس عشان يحتفظ بقرمشته والعلبه لازم تكون محكمه الغلق
حقيقي تحفه تحفه تحفه هش ومقرمش وبيدوب في البق
انا جمعتلكوا كل حاجه تخلي البسكوت حلو في الوصفه دي
واتحدي بيها العالم

ملحوظه بقي

نوع السمنه
انا استخدمت سمنه مخلطه بلدي علي نباتي علي زبده جنه
الدقيق
انا استخدمت نوع دقيق متعدد الاستخدامات
لو ختعملي البسكوت ده بالمكنه هتزيد كميه الدقيق وهنزله في بوست لوحده يعني هنزود 125جرام دقيق
وباقي المقادير زي ماهي
لو هتزودي نشادر
هتحطي ربع معلقه ص هتدوبيها في اللبن وتضيفيها للخليط
لو عيزاه بطعم البرتقال
هتضيفي معلقه بشر برتقال وانتي بتضربي الزبده والسكر
لازم الميزان
عشان الوصفه تطلع مظبوطه
لازم انخلي السكر والدقيق قبل ما تستخدميهم
يارب اكون وفيت كل التفاصيل
واي سوال ابعتولي

طريقة عمل بسكويت النشادر في المنزل بالخطوات لعيد الفطر 2020

طريقة عمل بسكويت العيد الجاهز

Raima

اللّهم أني استودعتك بلدي فحفظها يا رب 🇪🇬🌹
زر الذهاب إلى الأعلى