بالصور الشاي باللبن .. أنواع وأمزجه – منتدى كنتوسه
الناس اللي فاكرة ان الشاي بلبن شوية لبن وعليهم شاي وخلاص

إليك انواع الشاي بلبن

1- شاي ميزة :

و ده اللبن بتاعه أكتر من المياه يعني الكوباية بتبقى تلات تربع لبن و الباقي مياه و ده الشائع شربه

2- شاي بربري :

و ده المياه بتكون متساوية مع اللبن يعني الكوباية بتكون نص لبن و نص مياه و بيبقى الشاي تقيل شوية

3- شاي بحليب منه فيه :

و ده لبن صافي عليه شاي ناشف بيغلوا مع بعض يعني بيور شاي بحليب فعلا

4- شاي كرك :

و ده مشروب الخليج الأول و ده شاي بلبن عليه هيل و زعفران و بيتعمل بلبن مكثف و سكر كتير جدا

و طبعا ترتيب وضع الاشياء في الكوباية بيعمل فرق في الطعم يعني
– لو حطيت الشاي الناشف و السكر في الكوباية و بعده المياه و بعده اللبن ده طعم
– لو حطيت اللبن الأول و بعد كده حطيت الشاي و بعد كده المياه و بعد كده السكر طعم تاني خالص
– الشاي بلبن لما بيتعمل بشاي العروسة غير بشاي ليبتون غير بشاي ليبتون
خرز غير بشاي ليبتون الباكيت غير بأي نوع شاي تاني
– لو حطيت الشاي بلبن اللى منه فيه على العين الكبيرة في البوتاجاز
علشان يغلي بسرعة هيبقى طعمه مش حلو علشان ملحقش يستوي
لو حطيته على عين البوتجاز الوسطانية و شيلته قبل ما يفور بثواني بيبقى وهم وهم
ف يا عزيزي الشاي بلبن ليس مجرد مشروب بل هو حياة

• شرح آداب الفتوى والمفتي والمستفتي
• طريقة عزل الصوت في المنزل باستخدام مواد عازلة
• وصفات باللانشون سهلة وسريعة
• بالصور.. تعرف أخطر 6 حشرات على الإطلاق
• أخطاء لازم تخلى بالك منها فى الشوبينج أونلاين