المحوجه (القرصه الصفرا) بالطريقة الأصلية المقرمشه من بره منتدى كنتوسه
مسا مسا عليكم
المحوجه هي تقيله بس طعمها حلو ومفيده وطبعا مغديه جدا والي عاوز يتحن ياكل منها كتير
المقادير
نص كيلو دقيق
كوبيه سكر بودر
معلقه بيكنج بودر
معلقتين سمنه
كوبيه عسل
كوبيه زيت
٣معالق كبار سمسم
٣معالق كبار حبه البركه
معلقتين جوز هند وده اختياري بس انا حطه فيها جوز هند
الطريقة
كوبيه تحويجه من عند العطار بتروحي تقوليلوه عوزه تحويجه هي عباره عن كركم وحلبه مطحونه
وانا بحط معلقه كبيره مغات وبرده ده اختياري
بحط الدقيق مع التحويجه والبكنج بودر والسكر البودر مع بعض
وجيب طاسه وفيها معلقتين السمنه وادي تحميصه بسيطه للسمسم وحبه البركه
وجوز هند وبعد كده بنزلهم علي القدقيق واقلبهم وانزل الزيت
والعسل والف العجينه بيهم وبعد كده افردها في صنيه
وبكون معايا شويه سمسم وحبه بركه مش متحمصين وارشهم عليها واقطعها لازم اقطعها قبل التسويه
علشان هتتفرول لما تستوي وبعد كده ادخلها الفرن
هنا الدقيق والسكر البودر والبيكنج بودر والتحوبجه
هنا وانا بحمص السمسم وجوز هند وحبه البركه بمعلقتين السمنه
وهنا لما حطيتهم عليهم
وهنا لما نزلت الزيت
وانا بعجن بالعسل الاسود
وهنا لما فردتها في الصنيه وقطعتها
ده شكلها لما طلعت من الصنيه
وده السمك بتاعها
