اللغة المصرية القديمة اسمها بالمنطوق المصرى القديم
بالمناسبة التكفير حرام..!!
كتير جدا من المصريين عجبتهم ترنيمة مهابة ايسه او ايزة او المعروفة بإيزيس .. فيه نقطة حابب اتكلم عنها.. هى صحيح ممكن تجيبلى وجع الدماغ مع إنى مش اول مرة اتكلم عنها بس معلش .. نقولها تانى
(مدو نتر) اللى ترجمتها (كلام الإله) ده مع افتراض ان نتر يعنى اله..!! ولها اسم تانى اللى هو (را ان كِمت) لسان كِمت وكمت اللى هى مصر.. خلينا بقى فى مدو نتر او كلام الاله..!!
فى القرآن ربنا سبحانه وتعالى قال (وَكَلَّمَ اللَّهُ مُوسَىٰ تَكْلِيمًا)
السمرقندي قال إن عامة المفسرين وأهل العلم قالوا إن هذا كلام حقيقة لا كلام مجاز، لأنه قد أكده بالمصدر حيث قال: {وَكَلَّمَ الله موسى تَكْلِيمًا} والمجاز لا يؤكد لأنه لا يقال..
وده لان المعتزلة انكروا ان ربنا سبحانه اتكلم وقالوا إن ده مجاز..!! الخلاصة ان ربنا سبحانه كلم سيدنا موسى كلام بجد فعلا..!! طيب كلمه بأنهى لغة..؟!!
فى حلقة من برنامج «حديث شيخ الأزهر» فضيلة الإمام الأكبر شيخ الأزهر أحمد الطيب قال : إن سيدنا موسى -عليه السلام- هو أصل اليهودية، حيث ولد في مصر ونزلت عليه التوراة فيها، ومات فيها على الأرجح من قول العلماء، وكان يتحدث باللغة المصرية القديمة مصداقًا لقول الله تعالى: «وَمَا أَرْسَلْنَا مِن رَّسُولٍ إِلَّا بِلِسَانِ قَوْمِهِ»
ده مش كلامى ده كلام شيخ الأزهر وموجود صوت وصورة
والكلام ده معناه إن ربنا سبحانه كلم سيدنا بموسى باللغة المصرية القديمة..!!
د/ فؤاد حسنين على أستاذ اليونانية بجامعة القاهرة صاحب كتاب “التوراة الهيروغليفية” قال إن ربنا سبحانه انزل الالواح على سيدنا موسى (الوصايا العشر) بالكتابة الهيروغليفية، أو النقش المقدس، كما يسميها اليونانيون وإنها حقاً لغة مقدسة وجب علينا أن نتعلمها لأنها اللغة الوحيدة التى نطق بها الله لأحد أنبيائه، وهو النبى موسى كليم الله.
والكلام ده موجود فى اليوم السابع.. بس تخيل اليونانيين بيسموها اللغة المقدسة..!!
اللغه دى بقى اسمها مدو نتر او كلام اله.. بس نتر مش معناها وده كلام ناس كتير..!! وان نتر معناها تجلى او قوى كونية
ربنا سبحانه بيقول : (وَمَا كَانَ لِبَشَرٍ أَن يُكَلِّمَهُ اللَّهُ إِلَّا وَحْيًا أَوْ مِن وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ ۚ إِنَّهُ عَلِيٌّ حَكِيمٌ) صدق الله العظيم
(مِن وَرَاءِ حِجَابٍ) دى الحاله المقصود بيها سيدنا موسى فالكلام او الصوت نفسه مش اله انما تجلى او قوة كونية زى ما ربنا سبحانه كده تجلى للجبل فجعله دكاء..!! فهل الجبل شاف ربنا سبحانه..؟!! وده يوصلنا إن نتر مش معناها اله وكل واحد ودماغه بقى .. والتكفير حرام
