قراقيش بالعجوة
اعمل ايدي فى المظبح س12 مساء
اتفضلوا معانا
المكونات
كيلو دقيق
كوب سمنه مذاب وليس ساخن
كوب زيت
م ك خميرة
م ص بيكنج بودرة
م ك سكر
م ص ملح
كوب وربع حليب دافئ
0.5 كوب سمسم اختياري
للحشو
كيلو عجوه (تمر)
4 م ك زبده أو سمنه
الخطوات
1- نخلط كل المكونات الجافه مع بعض ونضيف السمنه والزيت ونبسهم جيداً بحيث يتشرب الدقيق الماده الدهنيه
كأنك بتعملي كعك
2- بعد بس الدقيق كويس نضيف الحليب ونعجن بس مش زي عجن المعجنات لأ بس الدقيق يشرب الحليب وخلاص
3- نغطيها ونتركها تختمر حوالي ساعة
4- في الوقت ده نجهز العجوه نسيح الزبده أو السمنه ونعجن العجوه بالزبده كويس حتى تتشرب العجوه الزبده
5- بعد مرور الساعه نأخذ قطعه من العجين ونفرها مثل طريقه السينابون سمكها حوالي نصف سم
6- نفرد العجوه فوق قطعه العجين المفرود بحيث العجوه تغطي قطعه العجين ونلف العجين والعجوه
معا رول ونضغط خفيف على الرول ونقطع الرول دوائر بحجم 2ونص سم ويرص في صينيه مدهونه
ماده دهنيه ونترك مسافه بين كل واحده ونتركهم نصف ساعة وندهن الوجه ببياض بيضه ويرش سمسم
7- ندخلها فرن ساخن مسبقا حتى تحمر وتخرج بألف هنا
