خدوا المفيد فطريقه البوفتيك ( سكالوب بانيه )
اللي تخليكم تعملوها فالبيت احلي من اي مطعم
بتتبيله بسيطه جدا وطعم طبيعي وشرح مفصل وهاتشوفوا بنفسكم افتحوا الصور
واقرو اللي تحتها تحتها
اولا السؤال اللي دايما بيحير ناس كتير
ايه الفرق بين البوفتيك والاسكالوب والاستيك
البفتيك هو الاسكالوب
البوفتيك مسمي شعبي عن معظم الناس والجزارين ام الاسكالوب فهو بمسمي المطاعم والفنادق
وده بيكون شرائح لحمه من وش الفخده بيدق بمبط اللحم
وتتبل وتتبني ببيض وبقسماط وتتقلى فى الزيت
وممكن تتعملي بدون بانيه مشويه فطاسه وتبقي بيكاتا مع صوص
ولكن يفضل تكون من قطعيه عرق الفيليه زي ماوضح فالصوره او من لحم بتلو
ليه بقي من عرق الفيليه بطلع البوفتيك لان اولا قطعه طريه تسويه القلي
فيها بتخليها دايبه مش بتشد وكذلك كمان مش بتكش ولا حجمها بيقل
ولا يفد منها البانيه الخارجي
ام وش الفخده فتنفع بردو لكن بتقوص بعد القلي احيانا يعني تلقيها كشت
واتنت علي بعض خاصتا لو كان اللحم متقطع من الاساس غلط وكمان تسويتها
احيانا بتكون بتشد فالمضغ
واعملوها زي ماتحبرا دي نقطه حبيت اوضحها مش اكتر
اما الاستيك شرائح لحمه طريه منها الدهني ومنها لا من بيت الكلاوى
زى الانتركوت أو الفلتو او الريب اي او التي بون بيتبل تتبيله بسيطه بتتشوى
على الجريل فى كام دقيقه بس حسب درجه التسويه اللي بردو موجوده فالصور
ركزوا فسمك وقطعيه اللحم وهاتعرفوا الفرق بينهم
- الاسكالوب اللي فايدي والاستيك اللي فالخلفيه فوق
دي قطعه سكالوب بعد التسويه واضح اللون ان طبقه البانيه متماسكه
ومش شاربه زيت وده نتيجه التسويه الصح اللي هاتشوفها مع باقي الشرح
المكونات اللي معايا
١/٢ لحم شرايح مدقوق ومفرود
١علبه زبادي
١ معلقه ك كاتشب
١ بصله كبيره مبشوره
ملح فلفل اسود كركم بابريكا قرفه توم بودر زعتر
بحط المكونات كلها علي بعض واقلبهم
ويفضل تكون التتبيله تقيله
مش خفيفه عشان تمسك فاللحم وتعتق جوه
زي ماواضح فالصوره كده التبيله مش صايصه ولا خفيفه
ده الفرق فالسُمك بين قطعيه سكالوب وستيك
لازم نتاكد ان التتبيله مغطيه كل حته لحم
بعد مابنقع اللحم واسيبها فالتلاجه ٤ ساعات ع الاقل
ده بيكون شكله زي الصوره الجايه
- وببدا مرحله البانيه
ومن نفس توابل اللي حطيتها في تتبيله اللحم بحط منها
علي البقسماط ومعاهم كوب دقيق واقلبهم مع بعض
بعدين اكسر بيضه علي التتبيله قبل خطوه التغليف بالقسماط البانيه مباشره
مش بحط البيض من بدري عشان اللحم ميظفرش
- مهمه النقطه دي ركزوا فيها
كده بعد ما ضيفت البيض
وقلبته علي اللحم ببدا ابنيها
بعمل الكميه كلها وبحطها فاطباق واشيلها فالفريزر لو هاخزنها
وعادي اقلي منها علي طول لو حبيت
طريقه القلي
فزيت سخن اقلي اللحم مش بقلبه خالص الا لما يبدا يغير لون
ولازم يكون الزيت مغطي اللحم وفي نفس الوقت ميكونش الشرايح
فوق بعض تكون مفروده فالزيت عشان تاخد تسويتها الصح
مجرد مالناحيه تستوي بهدي المار واقلبها الناحيه التانيه
كتر التقليب يخليه يفك
وبلاش خطوه اننا نحطه من التتبيله فدقيق وبعدين بيض وبعدين بقسملىاط
لان ده بيخلي البانيه عموما يفك وعن اراء ناس كتير اشتكت
من النقطه دي فجربوا طريقتي وشوفوا النتيجه
الفرق بين البانيه والاسكالوب بانيه
- والصور خير دليل
وكده وصلنا لنهايه الوصفه شكرا لمتابع الموضوع للاخر
متنسوش تتفاعلوا علي البوست عشان يوصل لغيركم
واتمني اكون قدرت ابسط الوصفه واشرحها بشكل واضح ومفيد ليكم
مع كل التفاصيل اللي تخليها تنجح معاكوا من اول تجربه