افكار لاستخدام عجينة البف باستري وعمل اشكال فخمة بحشوات وسادة
مساء الجمال…
وحشتوني…كل سنه وانتم طيبين..
كنت مشغوله وعندي مشكله في النت..ماعرفتش ارد علي معظم الرسايل سامحوني…
دايما بيكون عندي حاجات سريعه جاهزه التقديم بضيف بس لمساتي…
دي عحينه البف باستري كانت عندي في الفريزر.
.مربعات كذا واحده…نصهم عجنتهم مع بعض وفردت العجينه مستطيل..
ودهنتها قرفه وسكر باودر وقشطه..وطبقتها علي بعض..
وحطيتها في الفرن ولما طلعت ذوقتها بخطوط نوتلا…
حاجه كده سهله وطعمها حلو اووي..عملت حاجه من لاشيء…
مجرد ذوقتها ادت شكل حلو وشيك…
اما المربعات التانيه صغرتها شويه وحطيتها في الفرن نفشت جامد..طلعتها دهنت في النص مربي..
وحطيت كريمه اللوتس…
والعجينه كانت باقيه عندي..العحينه الدهبيه..شكلتها علي السريع وحطيت جبنه زعتر..
ودخلتها الفرن…والشاي التركي المميز
اما القالب الصغنون في الصور التانيه دي كيكه الميكرويف جاهز باكيت جاهز..
وانا ذوقته وطبعا كابتشينو والرغوة…الحاجات سهله اووي..
وسريعه مجرد شويه ديكورات وتقديم حلو بتخلي الحاجه كانك جايباها من بره…
