طريقة عمل الكنافة البلدي
الموضوع بدأ بكنافه وانتهي انى اروق الشقة كلها
بما ان جوزى مش موجود والعيال هيطلعوا عيني قولت اشغلهم بالمطبخ هم طالعين ليا بيموتوا في العجين
عملنا شوية كنافه بلدي وبعدين بتتقلب في سمن وعليها كراميل او كراميل ولبن حسب الرغبه .
المهم محدش يغلط غلطتي ويخلي عيل يزود ليه ميه عشان الموضوع خرج عن السيطره وطبق الكنافه اتحول ل حلة كنافة
الكنافه البلدي في البيت
كوب دقيق وربع كوب نشا وربع معلقة ملح وكوب ميه ازيد او اقل حسب نوع الدقيق
نقلب جامد بالمضرب اليدوي لغاية م تبقي سايله ونرفع المضرب تعمل خيط متصل
نفضي الخليط في ازازه ونعمل ثقب في الغطا بمسمار رفيع .
طاسه تيفال نمسحها بنقطه واحده بس زيت وعلي نار هاديه نسيبها تسخن ونبدأ
هو ١٠ ثواني بتستوي مش اكتر
واهم حاجه . السرعه في الاداء
