التدبير المنزلي

نصائح مفيدة في الحياة اليومية

نصائح مفيدة في الحياة اليومية

نصائح مفيدة في الحياة اليومية ربما نقرأ الكثير من النصائح عن كيفية عيش الحياة، وقد نبدأ بالفعل بتنفيذها ولكن مع الحياة اليومية ننسى هذه النصائح وترجع الأمور كما كانت عليه الحياة تختلف حسب نظرة كل شخص إليها، وعادةً ما تكون هذهِ الحياة جميلة بعيون كل إنسان متفائل ومحبّ للآخرين، وتعيسةً في عيون كل إنسان متشائم لا يرى سوى الجانب السيئ فيها.


نستعرض خلال هذه المقالة مجموعة من النصائح المهمة التي يجب أن تفيدك في جعل حياتك عظيمةً ورائعة.

نصائح مفيدة في الحياة اليومية

حاجات لو عملناها واتعودنا عليها هنحس أن بيتنا اجمل واظرف وانضف نصائح مفيدة في الحياة اليومية نصائح لو عملتيها هتحسى ان الحياه سهله

1. هاتي كيس اسود ولفي في الشقة وارمي اي زبالة تقابلك، ورق مناديل اكياس فاضيه علب دواء خلصان شامبو اي حاجة وطلعيها بره البيت.

2. اضبطي التايمر علي ساعة واحدة وكأن في ضيوف جاينلك بعد ساعة وبسرعة روقي من فوق الوش ماتحنتفيش اي حاجة مش في مكانها شيليها.

3. اتخلصي كل يوم من عشر كراكيب، حاجة مكسورة وبقالها فتره ومش هتتصلح،لبس في قطع او بقع وشايلاه يمكن تحتاجيه، انتي اجمل من كده وتستحقي حاجات جميلة زيك.

4. متقعديش تندبي في حظك انك زي الخدامة ومحدش حاسس بيكي والعيال مش منظمين زيك ده بيتك انتي وانتي تستحقي بيت جميل ونضيف.

نصائح مفيدة في الحياة اليومية
نصائح مفيدة في الحياة اليومية

شاهد ايضا: 7 نصائح لتنظيف الثلاجة بشكل صحيح

نصائح سريعة

5. كل حاجة ليها دورة لازم تكمل الغسيل نشف انشريه استخدمتي المقص شيليه مكانه رجعتي من بره فضي اكياس المشتروات وشيلي الاكياس وعلقي هدومك وحطي جزمتك في مكانها.

6. اي حاجة بتاخد اقل من خمس دقائق اعمليها فورا وضبي سريرك، امسحي حوض الحمام بعد الاستخدام امسحي مراية لو محتاجة تتمسح، امسحي رخامة المطبع وانتي بتطبخي.

7. وانتي بتطبخي ومستنيه حاجة تغلي مثلا، اشطفي المعالق أو كام كوباية من الحوض
خلصتي مصفاه المكرونة اغسليها علي طول عملتي قهوة اغسلي الكنكة مهو محدش هيغسلها غيرك يبقي تعمليها بسرعة قبل ما تبقي اصعب.

8. حاولي اسطح المطبخ والتسريحة والبوفيه يبقوا فاضيين خالص، عشان الكراكيب بتجيب كراكيب.

9. اضبطي التايمر علي ربع ساعة ووضبي درج أو درفة أو رف كل يوم أو رف تلاجة بعد شهر هتحسي بالفرق.

10. لما تشتري حاجة جديدة ارمي حاجة مكانها وفكري قبل ما تشتري انتي محتاجاها فعلا ولا ده زهق وملل ممكن تعملي حاجة تانية غير الشراء، الفراغ اللي عندك ده بفلوس space يعني مش لازم البيت يبقي مليان حاجات الجمال في البساطة.

نصائح مفيدة في الحياة اليومية
نصائح مفيدة في الحياة اليومية

شاهد ايضا: 7نصائح لإزالة بقع الزيت من الملابس

نصائح مفيدة للبنات

11. اضبطي التايمر وشوفي كل حاجة بتاخد وقت قد ايه في التنضيف، كل اوضة بتاخد وقت ايه، هتعرفي أن الموضوع مش بياخد كل الوقت اللي في دماغك.

12. اسمعي حاجة بتحبيها وانتي بتنضفي أو بتروقي، قرآن أو اغاني هيخفف عنك كتير.

13. لما تدخلي الاوضة عشان تروقيها يبقي معاكي باسكيت فاضي عشان تلمي فيه اي حاجة مش تبع الاوضة دي بدل ماتفضلي رايحة جاية.

14.لو فيه حاجة في ايدك ماتحطيهاش في أي مكان وخلاص رجعيها مكانها شنطة، مفاتيح، بالطو، اي حاجة.

15. اختاري بند واحد بس و التزمي به كل يوم لمدة شهر ، ولما تتعودي عليه زودي بند تاني وهكذا.

16. لو افتكرت حاجة تانية هبقي اكتبها دي مش افكاري طبعا دي حاجات بتفرج عليها علي اليوتيوب وطبقت حاجات كتير و نفعت.

شاهد ايضا: نصائح للمطبخ والمنزل خطيرة

نصيحة من القلب

اعرفوا أن شغل البيت مابيخلصش واللي هتعمليه النهاردة هتعمليه بكره ف نحمد ربنا علي نعمة الصحة ونعمة البيت ولو التزمتى بالنصائح دى هتفرق فعلا فى حياتك ونفسيتك وادعولي بقي لو قدرت افيد بحاجة.
مع تحياتي

زر الذهاب إلى الأعلى