مطعم اسكندراني – أكل اسكندراني على أصوله
النهارده بقى هقولك على أكلة من التراث القديم في البيت المصري
اجمع يا كحيانه انتى وهى ماعدا الاربعة المغتربين ويوسف وولاد أبو الوفا
بهزر طبعا انتم حبايبي كلكم والله
بتاع الكيميا هيقولك على أكلة ظريفه وسهلة وتتمناها كمغتربه كحيانه زي حالاتي ..
هما بيقولوا عليها أكلة اسكندراني بس هي بتتعمل في كل البيوت المصرية بس للأسف أمهات الأيام دي نسيوا أكل أمهاتنا
هسيبكوا كا العاده مع الصور
دي بصلة في شوية زيت وأول متدبل انزل بالرز والعدس مغسول
وخلي العدس نص كمية الأرز .. مش فاهم صح طيب اهوووو علي الله تفهم وتطبخ
٢ كوب أرز
١ كوب عدس
٣ كوب ماء … فهمت يا كحيان ولا لسه
بص يا كحيان مفلفل أهو على الله تعمله ويعجن منك
دا بقا بيض مقلي .. يعني مش اسمه بيض مدحرج؟؟
=تؤتؤ اسمه بيض مقلي يا كحيان
ما تتخضش دا بتنجنايه واحده بس تقطعها كده وبعدين تقشرها وتغسلها وترش عليها سرسوب ملح
هنا بقا فلفل احمر وحار وشوية بهارات مش عارف اسمها اي بس ريحتها حلوه وفصين توم وسرسوبين ملح بس
علشان فيه هناك سرسوب .. يبقا كده معاك ٣ سرسوب يا كحيان ومحدش ادك
هنا بقا حبيت أجود وروحت قلت لنفسي ياض يا بتاع الكيميا لازم تجود وروحت نزلت ب ٧ نقط خل ايوه ٧ بالظبط
وييجي كبشة كاتشب لايقه صح اصل انا بحب الكاتشب
هنا بقا شكله بعد ما تدحرجه.. يا سيدي مشيها دحرجه المره دي
طبعا هتلاقي التوم باين علشان انا داقق الدقه ب ايد السكينة علشان كحيان معنديش مدق (هون)
بس بزمتك اي رأيك ؟
هنا بردو حبة بطاطس واحدة … وحط عليها ورقين كزبرة كده علشان تعيش الدور
طبق سلطة كحيان خياره وطمطمايه واحده بس
ونص اللمونه اللي فاض من البتنجان بدل ما تسيبه في التلاجة وينشف
بالله أنا جعت تاني
اه يا جماعه انا باكل ع التسريحة علشان كحيان معنديش سفرة
