مسااااااااؤووووو فراولة
تعالو نعمل مربى فراولة وهي رخيصة

٢كيلو فراولة …………
مغسولين ومتنضفين ومتقطعين عليهم كيلو سكر
سيبيهم فالتلاجة لتاني يوم
هتحطي الحلة عالنار اول ما تغلى شيلي الريم ووطي النار عشان متفورش …
لمدة نص ساعة بس واطفي ( احسن سوي لاي مربى )
اول ما تبرد حطيها في شفشق الخلاط ( براحتك انا ولادي بيحبوها كده )
وحطي معاها نص كيس جلي فراولة جميل والطعم خطير ضربة واحدة بسيطة ونزليها تاني فالحلة
ونرجعها تاني عالنار …
وندوب ٣معالق نشا كبار وننزل بيهم ونقلب لحد ما تغلى غلوتين مع التقليب واطفى ..تمام
النشا بتخليها جميلة وتربط بسرعة والقوام مظبوط .. وهي اساسية في اي نوع مربى ………..
الجيلي اول مره اجربه وطلع جميل
جهزي البرطمانات
اول ما تبرد خالص عبي …… وحطي واحد بالتلاجة والباقي فالفريزر يطلع عند الاستخدام…..
استخدميها في السويسرول والسندتشات مع القشطة وعمل المبروشة وحشو الكريبات والوافل …
وبالهنا