“ابني عمره سنة و نص وعصبي كتير”

طفلي عمره ٩ شهور وعصبي
تربية الطفل عمر سنة ونصف
عصبية الأطفال عمر سنة ونصف
الطفل العصبي في عمر السنة
أسباب عصبية الطفل عمر سنة
كيف أعاقب طفلي عمره سنة
طفلي شقي عمره سنة

كتير وصلنا أسئلة عن الطفل العصبي بعمر صغير (من سنة لسنتين) كيف نتعامل معه؟
كيف نعرف شو ماله؟
حابين نبدا جوابنا بنقطة كتير مهمة انه مافي اشي اسمه عصبي بهدا العمر!
الطفل ما عنده لغة يستخدمها ليحكي ويعبر أنه جاع زهق توجع أو كان بردان أو شوبان…الخ
في أطفال بطبيعتهم صبرهم أقل وحادين شوي فبصرخوا وببدأوا البكاء عطول،
عشان يعبروا ان اشي معين او حاجة ما تلبت عندهم. عشان تقدر الأم تساعد طفلها في أكثر من نقطة:

1- كتير مهم انها تعطيه اهتمام وانتباه لما يكون متدايق وما تتجاهله أو تتركه يعصب ويصرخ،
تحاول تعرف شو اللي مدايقه
2- تنظم حياته عشان يقدر يتوقع كيف رح يمشي يومه،
يعني إذا ابني بيصحى بوقت معين بعمله حليب بلعب معه شوي بعدين بفطره بعدين بقرأله..
مرة على مرة بيصير الطفل فاهم أنه بعد اللعب وقت الفطور وبعد الفطور وقت الكتاب بكون متوقع شو
رح يعمل فبيتطمن وبتقل حاجته للعصبية والصراخ لجذب اهتمام الأم
3- التواصل الدائم مهم جداً حتى نساعد في إكسابه اللغة وطرق التعبير عن حاجاته من غير انفعال كتير،
لما يعصب الطفل الأم لازم تحافظ على هدوئها وتتعامل معه بلطف لتطمنه وتحكي معه عن شو عم بصير معه بتعاطف،
يعني مثلا “إنت متدايق لإني عم بغيرلك الحفاظ حبيبي يلا خلصنا”.
مهم جدا حتى لو فكرنا أنهم ما بيفهموا بالعكس هاد عمر تخزين الكلام واللغة
4- وبعد هاد التواصل والتعاطف مع شعوره تحول انتباهه لشيء اخر،
لعبة بحبها او تغنيله اغنية او تفرجيه شغلة ملفتة بالبيت