أطباق رئيسية

كفتة الحاتى المشوية بكل تفاصيلها من مطبخى

خدوا المفيد فالكفته المشويه

اللي تخليكم تعملوها احلي من اي مطعم
بتتبيله بسيطه جدا وطعم طبيعي بدون توابل

  • افتحوا الصور الشرح تحتها

دي الكفته مستويه وعلي السيخ متماسكه والسر انها اتعجنت كويس بعد الفرم والبصل
متصفي واتشكت فالسيخ صح ومتقلبتش غير لما الجنب المعرض للنار يستوي

  • المكونات

٢ كيلو لحم مفروم من الكتف مفروم وش واحد نسبه الدهن فيه حوالي الربع
٤ بصلات ابيض وسط مفرومين ومصفي جزء من المياه منهم
وملح وفلفل فقط لا غير ممكن تحبوا تضيفوا جوزه الطيب او بابريكا
لو حبيتم لكن انا بحب الاكل بيور احس بطعم اللحم وعصارته مش طعم التوابل
المكونات بدون برغل ولا بقسماط ولا بيكنج بودر ولا اي حاجه من دول ولا حتي توابل
واعملوا باللي يناسبكم بس مفيش احلي واطعم مالبساطه فالمكونات

تتبيلة الكفتة المشوية

حطيت المكونات كلها مع بعض وعجنتهم وحطيتهم فالمفرمه مره تانيه
عشان يتجانسوا ممكن لو مفيش مفرمه الكبه تنفع مفيش كبه بايدكم اعجنوهم خمس دقايق

اعجنهم حاولي ٥ دقايق بايد لحد مالعجين بتاع اللحم يبقي مشعر
يعني لما امسك حته اللحم واحول افصلها من بعض تعمل خيوط بيضاء

كده المكونات كلها دابت فبعض
بحطهم فالتلاجه نص ساعه قبل ما اشكهم فالسيخ

وواضح ان اللحم مش مقطع ولا في شقوق وده معناه ان اللحم اتخدم فالعجن او الفرم كويس

اسهل طريقة لعمل الكفتة المشوية

بعد كده بصيعها واسويها فالفرن او علي الفحم
مش بتتقلب غير لما تتشمع
لو فالفرن فبنسخن الفرن كويس علي اعلي درجه ونسيبه ربع ساعه
ويفضل يكون الشوايه كمان بتشتغل مع الفرن ونحطهم فصنيه مدهونه زيت
علي الشبكه اللي فالنص ونسيبه ربع ساعه
الحراره العاليه هاتخلي اللحم يحتفظ بعصارته وميكشش
ومعلومه مهم جدا ونركز فيها ان الكفته او اللحم يكش او حجم يقل ده طبيعي
لان ده نتيجه تعرضه لحراره فبيفقد جزءمن عصارته ده غير الدهون كمان
مثال
لو جيبنا كيلو كفته من عند اي حاتي ورحت البيت وزنته هاتلقيه ٨٠٠ جرام
او ٧٥٠ وده طبيعي جدا لانه هوه بيبيع الكيلو قبل التسويه

لو مش هاتكلوها علي طول فممكن تحطوها فاطباق وتغطوها بفويل
عشان تحافظ علي حرارتها ومتنشفش من الجو الخارجه وتبرد
ملحوظه
انا مسويتهاش ففويل انا حطيتها بعد التسويه لان مكناش هاناكلها علي طول

طريقة عمل الكفتة المشوية على الفحم زي المحلات

وبكده تكون الوصفه خلصت شكرا
وكل عام وحضراتكم بخير

    Please follow and like us:

    shahira Galal

    إذا كان الله معك فإنك لن تفقد شيئًا أبدا، أما إذا لم يكن الله معك فاعلم أنك قد فقدت كل شيء 🌷🌼🌹

    اترك تعليقاً

    لن يتم نشر عنوان بريدك الإلكتروني.

    زر الذهاب إلى الأعلى