غليت لبن بالليل وسبته لتاني يوم الصبح لقيته راب
غليت لبن بالليل وسبته لتاني يوم
الصبح
لقيته راب
حطيتله كوباية زبادى ودوبتها حلو جدا فيه ودفيتله الفرن
وصبيته في كوبايات
بعد 4 ساعات دى النتيجة
- ممكن افهم ليه حصل كدة ؟؟
واللبن لما يبقي رايب نستغله ازاى ؟؟؟؟
تعديل:
اىنعم انا كان قصدى يطلع زبادى
بس لميت الوش دة وحطيت له ملح
طلع جبنة قريش
تعديل 2:
يا جماعة كانوا 5 كيلو لبن مش كيلو واحد
وانا بغليهم مرة واحدة وبشيلهم في الفريزر مغليين
وال 5 كلهم رابوا
جربت في كيلو واحد حوار الزبادى دة وعاوزة انقذ ال 4 كيلو الباقيين عشان كدة بسأل
واكيد مش هعمل بال 4 كيلو كلهم معجنات
لو حد عارف طريقة جبنة من اللبن الرايب يقولها
تعديل 3 :
مش هرميهم بالعند فيكم يا محدودى التفكير يا اللي معندكوش روح الابداع و حب التجربة
- طريقة عزل الصوت في المنزل باستخدام مواد عازلة
- نصائح لتنظيف شرفة منزلك أكثر راحة وجمالا
- لقد جربت العشرات من حيل إيكيا
- تنظيف الثلاجة .. والحفاظ عليها
- تنظيف الناموسيات بشكل فعال لصيف خالٍ من الحشرات؟
حطيهم بقماشة يتصفوا كويس وبعدين حطي عليهم رشة ملح وشوية حبة البركة
ولو حابة ممكن رشة شطة وزيت زيتون وكلي بالهنا والشفا جميل جداً
طريقة اخرى
اضربيها في الخلاط مع قرن فلفل وحتة زبدة هتبقى احلى جبنة كريمي والمية
اعمليها معجنات وبالنسبة للاربعة كيلو انا حصلت معايا كدا في كمية برضه شيلته
في كياس في الفريزر وبقيت اسحب منه لاي معجنات او كيك او بشاميل وبسبوسة
- طريقة كمان
اضربيهم في الخلاط مع ربع كوبايه زيت نباتى تنزلى بيهم ببطء ورشه صغيره خالص ملح
هتبقي جبنه كريمى
وممكن تصفيهم في شاشه نضيفه ورشي عليهم ملح هيبقوا جبنه بيضاء جميله وبالهنا والشفا