عجينة القطن بالزبادي
عجينة اللبن
عجينة الزبادي بدون ماء
العجينة الذهبية
عجينه 10 دقائق بالزبادي
فائدة الزبادي للعجين
طريقة عجينة الفطائر بالزبادي
حبايبى الحلوين اخباركم ايه
شوفوا انا مش هتكلم هسيب الصور هى اللى تتكلم
ما شاء الله اللهم بارك شايفين الجمال
شايفين الهشاشه و النعومه
قطن ياخواتى قطن
بجد مش قادره أوصفلكم جمال العجينه ناعمه و هشه بشكل رهييييييب و طعمها يجنن
مقادير سهله جدا و بسيطه و نتيجه مضمونه بإذن الله
إن شاء الله تجربوها و تعجبكم و ماتنسونيش فى دعوه حلوه
رولات الزبادى الهشه جدا و القطنية
المقادير :
العجينه دى هنعجنها بالزبادى يعنى مفيهاش و لا مياه و لا لبن
م ص خميره فوريه
ظ¢ م ك سكر
بيضه بدرجه حراره في
ظ¢/ظ£ ثلثين كوب زبادى بدرجه حراره الغرفه و الثلث كوب يعنى اكتر من الربع بمعلقه كبيره
و ممكن اكتر شويه حسب العجينة ما تلم معانا
ظ¢ و نصف كوب دقيق بيتزا و مخبوزات او جميع الاغراض
ملح
ظ¢ م ك زبده طريه بدرجة حرارة الغرفة
خليط دهان الوجه :
صفار بيضه و شويه لبن و رشة قهوه سريعة الذوبان أو كام نقطه خل
الطريقة :
هنجيب بوله و نحط فيها الدقيق و الخميره و السكر و الملح و نقلبهم كويس مع بعض
و هنعمل حفره فى النصف و نحط فيها البيضه و نقلب و بعدين هنبدأ نضيف الزبادى بالتدريج
لغايت العجينه ما تلم معانا و تبقى ناعمه و ملساء و فى اخر مرحله من العجن بنضيف الزبده الطريه
و لازم نعجنها كويس مش اقل من ظ§ دقايق و بنغطيها و بنسيبها تخمر لغايت ما يتضاعف حجمها و بعدين
بناخدها و بنقسمها لكور متساويه و بنغطيهم و بنسيبهم يرتاحوا حوالى ربع ساعه و بناخد كل كوره و بنفردها
بسمك اقل من المتوسط و بناخد الجزء اليمين و نطبقه و الجزء الشمالي و نطبقه زى ما باين فى الصور و بنفردها تانى بالنشابه
بحيث التطبيقه دى تقفل كويس و تلزق كده فى بعضها و بنبدأ نلفها على شكل رول أو اسطوانه
و بنقسمها نصين بالسكينه و القطعه بتكون لتحت اللى بيبقى لفوق هو شكل الرول المظبوط
و بنخلص الكميه كلها و بنرصهم فى صينيه فيها ورقه زبده و مدهونه زيت خفيف و مرشوشه بالدقيق سواء
صينيه مدوره أو مربعه حسب المتوفر عندكم مش فارقه و هنرصهم جنب بعض و نسيب مسافه بسيطه
ما بينهم و بنغطيهم و بنسيبهم يخمروا مره كمان قبل الخبز لغايت ما يتضاعف حجمهم و بندهنهم بخليط الدهن
بالراحه علشان ما نوقعش التخمير و بندخلهم فرن سخن على الرف اللى فى النص على درجه حرارة 190/200
لغايت ما يستوا و ياخدوا لون حلو و اول ما نطلعهم من الفرن بنغطيهم بفوطه نظيفة علشان نحافظ على الرطوبة
جواهم و يفضلوا طريين و ماننساش نحط صينيه فيها مياه بتغلى فى قاع الفرن علشان تطلع بخار
و داه بيطري المخبوزات و لما تبرد تماما بنحتفظ بيها فى كيس بلاستيك محكم الغلق
و بالهنا و الشفا
