الطريقه يا جماعه سهله ومن غير مضرب ولا اي حاجه
اسهل طريقة لعمل نسكافية طبقات
الموضوع كله بالإيد بس محتاج خفه ايد مش من بتاعت الحراميه
لا خفه ايد في صب السوائل عشان تطلع طبقات كده
هتجيب مج وتحط كميه السكر والنسكافيه اللي انت او انتي متعودين عليها
وتحط نقطتين تلاته مايه من الحنفيه وتقلب كويس جدا بالمعلقه
لحد ما اللون يتغير ل كريمي
وبعد كده نكون حطين لبن بودره في حاجه نصب فيها وعليه مائه سخنه
بس الكلام ده بعد التقليب عشان ميكلكعش ولازم لبن بودره
لو عايزين تعملوا طبقات كتير كده
وهنيجي علي المج اللي فيه الخليط الكريمي نحط شويه مايه سخنه
مش كتير ونقلب بخفه ايد بالراحه جدا لحد ما نفصل النسكافيه البلاك عن الفوم
اول ما يفصلوا هنحط المعلقه علي حرف المج من فوق ونبدأ ننزل بشويه لبن صغيرين خالص
وبعد كده بنفس طريقه المعلقه شويه مايه
وشويه لبن وهكذا لحد ما الفوم يوصل لأول المج هتلاقي حوالي خمس طبقاتلو حد محترف
وبالهنا والشفا
البوست لو مجابش 1k علي الشرح ده كله هتعب نفسيا والله
واللي عمل وجرب يوريني في الكومنتات وهشوف مين اللي هينافسني
