رمضان بيحب الحلو .
استعدادات لافكار حلويات خفيفه .
تورتة المجوهرات
حلوي الموزاييك
تورتة الجيلي
وانا بقي بسميها كسر سيراميك
ندخل في المكونات والطريقه
انواع والوان جيلي مختلفة كل نوع هنقلبه في نص كوب ماء ساخن
ونكمل الكوب ماء بارد ونفضيهم في قوالب او علب تلاجه جواها كيس او استريتش المتاح عندنا
عشان نعرف نخرجها بسهوله . بعد م يتحطو في التلاجه ساعه ونص او لغاية م يجمدو خالص .
بعدين نص كيلو لبن مغلي مسبقا وهنسخنه بس مش هنغليه
وهندوب ٣ معالق كبيره جيلاتين بودر في نصف كوب ماء ساخن
ونصفيهم علي اللبن ونقلب كويس . بعدين سكر للتحليه حسب الرغبه .
ورشه فانيليا .
وانا كمان اضفت عليها روح موز بتدي ريحه وطعم ممتاز .
ونسيب الخليط ده يبرد خالص بس بره التلاجه لغاية م الجيلي يجمد .
هنخرج الجيلي ونقطعه مكعبات ونحطه في قالب بيركس او قالب الكيك بصوره عشوائيه نعمل ميكس بالالوان
ونصفي فوقهم خليط اللبن اللي عملناه بس لازم يكون بارد جدا عشان ميسيحش الجيلي .
هنسيب القالب في التلاجه من ساعه ل ساعتين هيكون مسك نفسه . وبقي قطعه واحده .
وبالهنا والشفا
علب تلاجه للتبريد
بعد م جمد وقطعناه
في الصينيه عشوائي قبل اضافة خليط اللبن بالجيلاتين
الجيلي بعد م جمد واتقطع مكعبات
الشكل النهائي بعد م قلبتها
شكله يجنن
