اول مره اعمل الفسيخ في البيت
بس ايه زبده زبده يعني
والطعم ايه حكايه وطلع رووووووووووعه
الطريقه بقي
فسيخ
هتجيبي السمك البوري تغسلي من الخياشيم كويس ومن بره بس
وبعدين علي فوطة وحطي جوة الخياشيم منديل ورق
وسيبيه تحت المروحة لحد مينشف خالص وكل شويه تغيري المناديل الي جوة الخياشيم وتسبيه
حوالي اربع ساعات تحت المروحة
انا مش بحب احطه في الشمس علشان الدبان ومش بحب يبات كمان علشان البطن
ماتتعفنش قبل التخليل
وبعدين بقي طريقه التخليل
هتجبيبي كل سمكه ملي كفة ايدك ملح لو ملح عادي لو خشن حطي ملح كتير
عادي ومعلقة شطة ومعلقة كركم كمادة حافظة
هتجيبي السمكة تفتحي الخياشيم وتحطي الملح ودخليها الكيس تكوني
راشة شوية ملح في قلب الكيس وتحطي السمكة والتانية عكسها
وتلفي بقي في عشرة عشرين كيس كده بعد كده لفي في الاستريتش وفي كيس كبير
وجوه طبق متخفيش طول الاكياس كتير مش هيعمل ريحه
هتسبيه بقي في الشتاء دي عشرين يوم وكلي احلي واطعم فسيخ
والف هنا
