السمك البورى المشوى بالردة

طريقة شوي السمك البوري بدون ردة

انا عوزاه يبقى ترند

مكوناتك يا ست الكل

سمك بورى
ثوم
ملح
كمون
كزبرة ناشفة
طماطم
جزر
بقدونس اخضر
كزبرة خضرا
ليمون
خل
فلفل اسود
زيت
ردة
مايه

الطريقة ؛
أسهل طريقة عمل سمك بوري مشوي بالردة – Grilled fish

هتجيبى سمك بورى تنضفيه كويس اوى و تقشرى ثوم وتحطيه فى الهون مع شوية ملح والكمون
وكزبرة ناشفة وتطحنيهم كويس فى الهون وتحطى الخلطة دى فى قلب السمك
من جوة وتسيبيه على جنب على ما تعملى الخلطة اللى هتحطيها فى قلب السمك
عبارة عن طماطم و جزر و بقدونس و كزبرة و ليمونتين كبار او اربعة صغيرين تقطعيهم
قطع صغيرة والجزر يتبشر وبعدين تحطى على الجزر و الطماطم و البقدونس والكزبرة ملح و معلقتين خل كبار
و فلفل اسود و كمون و كزبرة ناشفة والليمون تعصريه فى الاخر و تحشى بيها السمك وتسيبى جزء صغير
من الخلطة دى على جنب وبعدين تجيبى صينية صاج تسخنيه كويس وتحطى رشة زيت وبعدين
تحطى السمك فى الردة وعلى الصاج على طول وتوطى النار خالص ولما يستوى من جه تقلبى
على الجهه التانية وتحطى رشة زيت تانية وبعدين على الاحرف بتاعته لحد ما يستوى تخرجية
على باقى الخلطة زودى عليها مايه و ملح تانى حسب التذوق و بعد ما يستوى كويس تشيليه
على خلطة المايه دى على طول وتشربيه من الخلطة قيمة ٥ دقايق وبعدين تخرجية
وبالف هنا و شفا
ملحوظة
علشان تعرفى استوى والا لسة اعملى زى الصور اللى موجود تمسكى الديل تلفيه زى الصور كده

طريقة تحضير سمك بورى مشوى بالرَّدة