طريقة عمل الريد فيلفيت بطريقة بسيطة وكريمة مميزة وطعم
مسا مسا عليكم
كيكه الريد فلفيد
كيكة الريد ڤيلڤت الأصلية مع ألذ زينة للكيكات والتورتات
بس من غير فرن علي البوتجاز من فوق طعمها جميل حركات بقي استغفر الله العظيم عيد حب وكده
المكونات :
٢٩٠جرام دقيق
معلقه كبيره كاكاو خام
معلقه ونص صغيره بيكنج صواد
١٨٠جرام سكر
٤بيضات فانيليا
١٢٠جرام زيت
٣٠٠جرام لبن
معلقه ونص صغيره لون طعام احمر
معلقه كبيره خل
الطريقه :
بضرب كل المواد السايله مع بعد وبعد كده بنزل بالمواد الجافه
واقسم الخليط علي ٣بولات مقاس واحد واكون محضره حله او طاسه بغطا
وادهن الحله بالزيت وانزل كميه من الخليط وتكون النار هاديه بتاخد كل وحده عشر دقائق
في التسويه واسبهم يبرده واحضر الكريمه
تحضير الكريمة
كوبيه كريم شانتيه خام
كوبيه ونص مايه ساقعه
كوبيه حليب مكثف
علبه جبنه دومتي كريمي ساده ٢٢٠جرام
بخلطهم كلهم مع بعض نيجي بقي للتزين كل واحد وزوقه
انا عملت كل طبقه كيك حطيت كريمه واخدت باقي الكيك ضربيته في الكبه
لحد ما بقي بودر ورشيته عليها وحطيت فراوله بس كده طعمها جميل وخفيفه وهشه
المواد السايله مع بعض
وهنا لما نزلت المواد السايله علي المواد الجافه
الخليط لما اتقلب مع بعض
لما قسمتهم
وهي في الحله
لما استويت
البواقي من تظبيط الكيك وده الي اتفرم للتزين
شكل الكيك قبل التزين
وانا بزينه
والكريمه بتتحط
وده شكلها بعد التقطيع
التورته وهي قمر كده
من زاويه تانيه قمر برده
