حبايبنا الاسكندرانيه أكيد أنتوا اللى عارفنها
وممكن ناس كتير ماتعرفهاش أنها (الحجازيه)
طريقة الحجازية الاسكندرانى على اصولها لعشاق القرفة

هى مهدور حقها هنا فى المنتدى
فحبيت افيد المنتدى بيها هى جميله وتحفه والريحه جنان ومش مكلفه والمقادير والطريقه سهله
(المقادير)
٢كوب سميد بسبوسه/ ٢كوب دقيق/ كوب سكر بودره/ كوب سمن على زيت
/كيس خميره /حوالى نص كوب ماء دافى/ فانيليا / ذره ملح/
(للحشو)
كوب سميد/ كوب سكر عادى/ ٣ملاعق قرفه كبار/ ٢ملعقه ميه كبيره.
(الطريقه)
نضع السميد والدقيق المنخول وذره الملح والفانيليا فى طبق العجن واسيح
السمن والزيت واصبهم على الخليط وابث جيدا واتركهم نص ساعه عشان يتغلفوا كويس بالسمن
وبعدين احط الخميره والسكر واعجن بالراحه حتى تلم العجينه هى بتبقى مفروله شويه عادى
واسيبها حوالى ساعه تخمر واقسم العجينه نصين واجيب الصنيه او الصاج وافرش ورق زبده
وافرد نص العجينه كويس وارفعه من الصاج واجيب باقى العجينه وافرده كويس
واقلب الحشو كويس زى الرمل البلول كده وافرده على الصنيه وبعدين اقلب ورق الزبده بالعجين المفرود
على الوش وده يبقى غطاء الصنيه وافردكويس وبالشوكه اعمل خطوط واقطعها
وتدخل فرن سخن حوالى٢٠ دقيقه وتخرج تبرد وبالهنا والشفا
يارب تعجبكم بقا واشوف تفاعلكم