دى مش تورتة و لا رز معمر و لا مكرونة بشاميل دى أم على بالطريقة الاصليه
معمولة ب الميل فى مش بالرقاق و لا بالجلاش
طريقة عمل أم علي بالملفيه
طريقة عمل أم علي بالملفيه فاطمه أبو حاتي
طريقة عمل ام علي الجاهزة
ام علي سالي فؤاد
طريقة عمل الملفيه
استخدامات الملفيه
طريقة عمل ام علي فتكات
المقادير
( أشتريت الميل فى من محل مستلزمات حلويات ) الكيلو ب 75 جنية بس معمول بالزبده النيوزلاندى الصفرا . كيلو و نص لبن + ربع كيلو ميل فى + كوب سكر + المكسرات
( 1/2 كوب جوز هند + 1/2 كوب زبيب + 1/4 كوب بندق )
+ قشطة وش اللبن + كيس كريم شانتيه بودر ( 50 جرام ) .
الطريقة
( مقاس الطاجن 22 ) 1 – نكسر رقائق الميل فى بطاجن فخار زى الصورة
2 – نضيف المكسرات كلها على وش الطاجن .
3 – ندوب السكر مع اللبن السخن و نصبهم فى الطاجن .
4 – نحط على وش الطاجن قشطه بتاع وش اللبن زى الصورة .
5 – نضرب كيس الكريم شانتيه مع 1/3 كوب مايه او لبن مثلج
و نحطه على وش الطاجن و مش لازم نعمل ورد لانه هيسيح فى الفرن و يعمل وش انا بس حبيت ادلع الطاجن .
6 – نشيل الفراولايه و ناكلها عشان ملهاش اى لازمه و مش هينفع تدخل الفرن
انا بس عملتها كده شكل للتصوير
7 – ندخل الطاجن الفرن فى النص على الشبكه و نشغل الشوايه
اللى فوق عشان الطاجن ياخد وش .. يعنى مش هنشغل الفرن تحت خالص لان كل حاجه مستويه
