طريقة سهلة وبسبطة لرز الحشو الخاص بالحمام والفراخ

طريقة سهلة وبسبطة لرز الحشو الخاص بالحمام والفراخ والبط والوز والديك الرومي
بطعم مميز ونتيجة رائعة*
مش احنا لما بنحمر الحمام او الفراخ المحشيه في السمن بنحب حتة الجلد
اللي اتقطعت والرز ظهر واتحمر وبقي مقرمش كده
اهه انا بقي قلت اوفر الحمام والفراخ واعمل الرز لوحده بنفس الطعم

( بعمله كده من سنيين ) طريقة سهلة وبسبطة لرز الحشو الخاص بالحمام والفراخ

عملت ربع كيلو رز حشو الحمام

اللي هوه بصله متدبله في معلقتين سمن ونزلت عليها الرز وشوحته دقيقتين وحطيت ملح وفلفل اسود
وكوباية ميه ولما اتشرب الميه هديت النار لغاية ما استوي وسيبته يبرد شويه
اللي يحب يحط مكعب مرقه هايبقي احلى
* سلقت بطاطسايه وسط وهرستها وقلبتها مع الرز من غير ما اعجن خلط بسسس
البطاطسايه علشان تمسك الرز مايفكش بدل ما احط بيضه
* وبعد كده قسمته كور وبططته زي القرص وحمرته في سمن بلدي ..
لازم يتحمر في طاسه مابيلزقش فيها الاكل
بجد تحفهه ولو حد عايز يحشيه لحم مفروم او جبنه ممكن بس حنفي لايحبذ