ينفع ادخل الترند بالباتيه بتاعي ولا لا
سر باتيه الجبنه بتاع المخابز مورق وهش جداااا
كالعاده اخر الموضوع هتلاقوا ملحوظات مهمه
المقادير
كيلو دقيق
2 معلقه كبيره خميره
معلقه كبيره ونص سكر
معلقه صغيره ملح
بيضه
نصف معلقه صغيره فانيليا
كوب زيت
كوب حليب دافئ
ماء دافئ للعجن
الطريقه
اولا هنحط كل المقااادير علي بعض ونعجنها ف العجان عدا الميه هنضيفها بالتدريج
لحد ما العجين يلم عايزه العجين يكون طري لكن مبيلزقش ف ايدنا
نسيب العجين يختمر
وبعدين هنقسم العجين لنصين
وكل نص هنقطعه ل 5 كورات
ونبدا نفرد اول واحد عايزه قطر الدائره قد شبر كدا
ف وطبق نحط اول طبقه وبعدين نحط قطع زبده كدا
ونحط الطبقه التانيه
وهكذا لحد ما نخلص ال5 طبقات لكن اخر طبقه فوق مش هنحط عليها زبده
ندخلها التلاجه 10 دقايق يعني لحد ما نعمل نفس الحركه ف نص العجين التاني
نطلعها بقا من التلاجه ونفرد العجين علي شكل مستطيل وعلي قد ما نقدر نخلي رقيق
نقطع بقا المستطيل دا لنصين كدا بعرض المستطيل وبعدين نقطع شرايح تكون عرض 3 صوابع
كدا دا الباتيه الكبير
ونبدا نلفه رول ولو عايزين نحط جبنه ف الطرف ونلف برضو
وكذلك ف النص التاني والباتيه الصغير نقطع شرايح اصغر ونلف رول أصغر
متنسوش ان كل الكلام دا لسه هينفخ ويزيد تاني
بعد كدا نسبهم يرتاحوا وندهن الوش ب بيضه عليها فانيليا او قهوه سريعه الذوبان
ونغطي قطع الباتيه
ونرش بقا سمسم او حبه البركه
وتدخل فرن سخن
الباتيه الكبير يدخل فرن درجه الحراره 170
الصغير درجه 190
واول ما يطلع نرشه ع طول بميه ونغطيه
وبس كدا
ملحووووظاااااتي
ممكن تعجنوا كل العجين بحليب بس او ميه بس
او لبن رايب
تقدروا تزودا البيض ل 2 بيضه ودا عشان القيمه الغذائية او تستغنوا عنوا تماااما
نتيجه استخدام الزبده بين الطبقات بدل السمنه احلي كتيييير
نركز ف موضوع ان الشرايح تكون صغيره
تقدروا تعملوا نصف كيلو دقيق وتنصصوا كل المقادير
بعد ما ترشوا الوش بميه تحتفظوا بالباتيه ف بوكس مغلق جيدا
او حتي شنطه وتقفلوها كويس عشان يعيش وقت اطول
يارب تكونوا فهمتوا من شرحي
طريقه عمل باتيه الافران البيتي في المنزل | اصنعي في منزلك
![](https://up.3almc.com/uploads/3almik.com_10_20_15944067184251.jpg)
باتيه المخابز الذيذ
![](https://up.3almc.com/uploads/3almik.com_10_20_159440671852322.jpg)
طريقة عمل الباتية زي الافران
![](https://up.3almc.com/uploads/3almik.com_10_20_159440671854153.jpg)